mercoledì 30 aprile 2014

Pro ite su bilinguismu???

Bilinguismo, un'arma in più
"Il cervello è più reattivo"

Un nuovo studio della Northwestern University conferma che apprendere due o più lingue permette di destreggiarsi fra diversi stimoli senza fatica. E previene il decadimento delle facoltà cognitive  

di ALESSIA MANFREDI

 Leghe s'artìculu

Eris s'assessora Firinu at promissu...

Eris, 29 de abrile, s'assessora Firinu fiat in Aristanis a sa presentada de sos traballos de su CROS in ocasione de sa die de sa Sardigna, pro su chi pertocat su sardu at naradu "faremo il punto della situazione sui risultati ottenuti dalla sperimentazione finora svolta, ma sarà un progetto che continuerà e sarà ampliato". S'impignu chi s'at leadu est mannu, isperemus chi lu mantèngiat.

S'ispera duncas est cussa chi totu su traballu fatu fintzas a oe non siat imboladu a su bentu ma bèngiat contivigiadu e sighidu.
In casteddu, sa die in antis, in ocasione de sa die de sa Sardigna e de sos chentu annos dae cando est nàschidu Giuanne Lilliu, s'assessora at naradu:
"Io penso che di questa giornata debba essere recuperato lo spirito e debba essere soprattutto trasmesso alle nuove generazioni, è quello che abbiamo cercato di fare con il coinvolgimento delle scuole ed è quello che faremo ancora di più nel futuro".

martedì 29 aprile 2014

Unu cantu de istòria sarda


Galu oe in sos libros de iscola non benit tratada s'istòria sarda, inoghe amos a bìdere sos avenimentos chi partint dae sa die de sa Sardigna fintzas a arribare a su 1848

Argumentos de su link:

La Cacciata dei piemontesi (Sa die de sa Sardigna)
Giovanni Maria Angioy
La congiura di Palabanda
L’Editto sopra le Chiudende
Istituzioni prima dell’Unità d’Italia
L’abolizione del feudalesimo
La Fusione col Piemonte
Lo Statuto Albertino
Alberto Ferrero della Marmora

                                                 inoghe unu cantu de istòria sarda

CASTEDDU BILINGUE

                                    

                                      Proposta de unu pianu pro sa limba sarda

Mèrculis coladu, su 23 abrile, in Casteddu est istada presentada sa proposta de deliberatzione:
 “Indirizzi relativi alla definizione di un piano del Comune di Cagliari per la tutela e la rigenerazione della lingua sarda”.
Un'àteru passu cara a in antis pro arribare a su bilinguismu

Un'anàlisi tècnica subra de sas proposta de Bolognesi

Cristiano Becciu analizat sos emendamentos gràficos propostos dae Roberto Bolognesi.

.... Cale si siat sistema gràficu chi impreemus, in Sardigna, sende chi agatamus pronùntzias diferentes de sa matessi paràula in sas chi li narant variedades diatòpicas, at a resurtare semper che a una  manta curtza: si ti la pones in pees iscoberis sa cara, e si ti cucùgias sa conca iscoberis sos pees. Cuntentende a unu, discuntentas a un’àteru.....
C. B.

lunedì 28 aprile 2014

Tzelebratziones Die de sa Sardigna

 Pro sa die de sa Sardigna, initziativas dae su cabu de subra a su cabu de giosso.

Fintzas cust’annu in totu s’ìsula s’est festada sa die de sa Sardigna e si sighit a festare.

Su programma est sustantziosu: tres dies pro ammentare sos 220 annos dae cando nche sunt istados mandados sos piemontesos.

Sas initziativas, finantziadas dae sa Regione Autònoma de Sardigna,  interessant sas tzitades de sas bator provìntzias istòricas: Aristanis, Casteddu, Nùgoro  e Tàtari.

S’Istitutu Bellieni, chi si òcupat de limba e cultura sarda at ammaniadu unu cunvegnu: "In sos logos de Angioy" in ue s’at a tratare de Giuanne Maria Angioy dae sos tempos suos a oe, sos apuntamentos sunt duos:
  • A mangianu, dae sas 10:30 in su tzìnema de Turalva
  • A sero dae sas 5.00 in su tzineteatru Rex de Bono

In Aristanis, cras 29 de abrile, in intro de sas atividades ufitziales regionales  de sa Die de Sardigna, s’ant a presentare sos ùrtimos agiornamentos de su Curretore Regionale Ortogràficu, su programma aplicativu chi permitit de currègere testos sardos in lìnia, a oe semus lòmpidos a tènnere 40.000 lemmas.
Unu curretore ortogràficu de una limba europea si podet nàrrere de giudu e assentadu cando arribat a tènnere nessi 30.000 faeddos primàrgios. Semus duncas a su puntu in ue su traballu mannu de su “fràigu” est agabbadu, como tocat a dare cara pro infinigare custu traballu, a manera chi siat prus de gabale.

Su curretore, in sa retza, oe in die est su corpus prus mannu chi tenimus in LSC. 

martedì 22 aprile 2014

BORTIGALE, manifestatzione de su 25 e 26 abrile.



“Bortigali: dalla terra alla tavola. 
Arrivano i “gialli”: verso una nuova identità culturale”.

Su 25 e 26 de abrile in Bortigale b'at a èssere una manifestatzione cun mustras cunvènnios e espositziones de produtos locales.


PROGRAMMA:


  • Chenàbura 25 abrile:  a sas ses e mesu de sero, in su tzentru de agregatzione sotziale, carrera Vittorio Emmanuele III, seminàriu interativu - “Il cibo, bene identitario per lo sviluppo del Marghine”introduet su Sìndigu de sa bidda, dr. Francesco Caggiari, mòderat Maurizio Mangia, imprendidore e agente de isvilupu.
 Sighit sa presentada de su Progetu “Arrivano i Gialli”, ghiat e presentat Laore, Sardigna.
  • 1° Relata: “Il legame cibo-territorio”: S’esperièntzia de Maremmans
  • 2° Relata: “I prodotti locali nella grande cucina” – reladore: Domenico Pegoiani, Chef Assazadore Regionale Cuocos
  • 3° Relata: “I formaggi del Marghine” – reladore: Serenella Porcedda, Maistru Assazadore ONAF



  • Sàbadu 26 abrile:  a sas 9.00 de mangianu abertura de sos stand, in carrera Vitt. Emanuele III espositzione de sos produtos agroalimentares de su Màrghine.   


Degustatziones
  • a sas 11.30: casu de late de berbeghe a cura de Serenella Porcedda, Maistru Assazadore ONAF
  • a sas 16.30: ogiu de olia a cura de Annalisa Motzo, Assazadore Panel prov. Nuoro
  • a sas 17.30: casu de late de baca a cura de Serenella Porcedda, Maistru Assazadore ONAV
 in carrera XX Settembre, sea biblioteca betza
Laboratòrios
  • a sas 10.30: tintura naturale de lana de berbeghe cun s'impreu de sas erbas, de su Màrghine, chi tinghent, a cura de Coop. Passiflora Ambiente e de sa Coop. Tessile S’Iscaccu, ambas de Golothene
  • a  sero a sas 3.30: ammàniu de sa crema tìpica “Pappai Biancu” a cura de Maurizio Cossu, pasticeria Tesi de Macumere
  • a sas 6.30 de sero maneras de fàghere su casu, presentat  s'azienda de sos frades Deriu de Bortigale




Mustras
  1. Domo-Museu Etnogràfica carrera XX Settembre
  2. Rifùgiu 2° Gherra Mondiale con mustra de ràdio antiga
  3. Mustra subra sos 100 annos de Lacesa in su stand LACESA, Carrera Vitt. Emanuele III, Salone Parrochiale
  4. Vìsita a su Mulinu a abba, localidade Borgusada
  5. Vìsita de sas CUNFRARIAS de  S.Ruhe, Sa Madonna de su Rosàriu, S. Prameri e de sas crèsias de S. Giusepe, S. Antoni e de S. Maria de sos Anghelos (prata sacra e retablo maistru de Otieri)
  6. Tour ghiadu a su Nuraghe Orolo cun Guida Ambientale (Emiliano Puggioni)

Pro s'ispassiare

  1. Giru  Turìsticu cun su Treninu Lilliputzianu
  2. Isfilada de Cavalieris e Damas e  batìgiu de sa sedda cun caddos e pony, ghiat su tzìrculu ìpicu “S’Astore “ de Bortigale, largu carrera Nùgoro
  3. Passizada cun su Carru e sos boes traditzionales, ghiat su Sòtziu Santu Sidore de Silanos
  4. Cantos de sas Corales Polifònicas e sosTenores de Bortigale in sos stand
  5. Atletas de Parapendio e Deltaplano de su Sòtziu Sportiva “I Fenicotteri Rosa “ possibilidade de bolu in biposto cun istrutore
  6. Esibitzione Arceri de su Màrghine de Bìroro in su campeto de sas iscolas, carrera Montenegro
  7. Moto-raduno de sas Vespas e lambretas ghiat su Vespa  club
  8. Passizada ecològica in mountain bike: Bortigali-Orolo-Mulargia, ghiat su Sòtziu Arestis.com de Cuartu S.Elena. Si partit  a mangianu a sas 9.30 dae pratza de su Pòpulu si torrat a mesudie.
  9. Mùsica e Letura: Taifa Pequeno presentat “Inillimania“ cun Aldo Brigaglia autore de su libru omònimu  Pratza de Crèsia

In ue papare
Ant a èssere inditados sos giassos in ue pòdere papare, in prus sunt a disponimentu sos ristorantes:
  • Peccati di Gola
  • Pizzeria da Pippo
  •  Bar S’incontru
  • Sala de su Comitadu Mesaustu Bortigalesu 2014
  • Stand Amati Nando.











COMUNA DE SINDIA
Povìntzia de Nùgoro


Calendàriu 2014 pro sa regorta diferentziada de s'arga.



---
--
-


COMUNA DE SILANOS
Provìntzia de Nùgoro.

Su Sìndigu informat chi :

gioja su 15 de maju de su 2014

iscadint  sos tèrmines pro 

  • presentare sas rechestas de iscritzione a s’Albu de sos Sòtzios comente dae regulamentu aprovadu cun delìbera de su C.C. n.22 de su 31.03.2014 
  • sas rechestas de contributu pro atividades culturales e isportivas pro su 2014.

Chie est interessadu podet ritirare sos mòdulos pro sa dimanda in s’ufìtziu protocollo, dae su lunis a sa chenàbura, dae sas 11.00 a sas 13.00, mèrculis a sero dae sas 4.00  a sas ses mancu cuartu.


mercoledì 16 aprile 2014

Sindia. SELETZIONE pùblica PRO ESAMES

 _ _ _ _  

In Sindia b'at una seletzione pùblica pro esames, pro assùmere 3 istrutores amministrativos  cat. C1, pro su progetu comunale numenadu "Potentziamentu Servìtzios Comunales" L.R. 20/04/2000, n. 4, art. 24 - Fundos Comunales annualidade 2013-

Podent leare parte:
  • Sos residentes in sa bidda cun tzitadinàntzia italiana
  • Disocupados e inocupados
  • Chie tenet su diploma de iscola segundària 
  • Magiorennes
  • Sos idòneos a s'impiegu
  • Sos chi gosant de sos deretos tziviles e polìticos
  • Chie no est istadu dispensadu e destituidu dae un'impiegu in sas amministratziones
  • Chie non tenet cundennas penales o àteros protzedimentos penales chi ostàculant s'assuntzione in s'impiegu pùblicu

SA DIMANDA ANDAT PRESENTDA INRO SU 2 DE MAJU 2014.

Pro àteras informatziones, in s'oràriu de abertura a su pùblicu, est a disponimentu s'impiegadu de s'ufìtziu de Segreteria

Silanos, rèvoca ordinàntzia sindacale


Su Sìndigu rèvocat s'ordinàntzia n. 15 de su 12 de martzu 2014, ca  sa ASL n.3 de Nùgoro, tzertìficat chi s'abba de sa rete ìdrica si podet impreare (prot. de su Comune n.1552 de su 04/04/2014).
S'abba est idònea a s'impreu.

Ordinàntzia sindacale.

martedì 15 aprile 2014

Ite b’at de nàrrere chi non est istadu galu naradu de su libru «Il sardo una lingua “normale”»? de Roberto Carta.

Su chi si narat “recensione”: «Il sardo una lingua normale»

 "Ite b’at de nàrrere chi non est istadu galu naradu de su libru «Il sardo una lingua “normale”»? Cosas medas a parre meu. Cumintzamus dae una premissa: non est unu manuale iscientìficu e nemmancu unu tratadu de linguìstica. Est, a la nàrrere mègius, unu libru chi contat s’istòria de sas ideas chi faeddant de limba sarda" […] Su libru si leghet bene meda, dat un’idea de sa chi est sa pelea pro sa limba sarda e pro sas limbas totas, dae semper e màssimu in sos ùrtimos baranta annos.  Leghe totu s'artìculu de R. C.

 

CHIDA SANTA IN BORTIGALE. Pasca - 2014.

Apuntamentu cun sa traditzione e sa cultura religiosa in Bortigale: 

  • Gioja Santa, 17 abrile, a sas 7.30 de sero Santa missa “IN COENA DOMINI”, a sas 10.00 de note s’adoratzione de su SS. Sacramentu.
  • Chenàbura, 18 abrile, a sas 8.30 de mangianu “SAS CHIRCAS”, a sas 5.00 de sero missa: “IN MORTE DOMINI”. A sas 8.00 de sero S’ISCRAVAMENTU e portessione de Cristu mortu. 
  •  Sàbadu Santu, 19 abrile, a sas 9.00 de sero vèglia e santa missa.
  • Domìniga de Pasca, 20 abrile, a sas 7.30 de mangianu santa missa, sighit a sas 10.00 sa portessione de S’INCONTRU, posca sa de duas missa. A sas 5.00 de sero missa in sa Capella de s’ASILO, a sas 6.00 de sero santa missa in Crèsia.

S’Amministratzione Comunale àugurat a totus Bonas Pascas!!!

martedì 8 aprile 2014

Libros in su Museu Sanna de Tàtari

Sighit in su Museu Sanna s'initziativa ghiada dae: - s'Ufìtziu Linguìsticu de sa Limba Sarda e Catalana, - su Servìtziu Limba Sarda de s'Assessoradu Regionale a s'Istrutzione Pùblica. Su 10 de abrile b'at a èssere su de tres apuntamentos cun sa presentada de su libru de poesias de Antoni Canu: "Les mies mans" in ue si contat de tempos colados cando galu sa gente traballaiat in sos campos. Antoni Canu est nàschidu in Otieri ma a 10 annos si nch’andat a istare a s'Alighera. Sa limba mama sua est su sardu ma, dae cando istat in s'Alighera at imparadu su catalanu chi diventat limba sua printzipale. At publicadu tres libros de poesias: "Poesies" (1995), "En l'arc dels dies" (2000) e "Nou Cant" (2007. At retzidu prèmios meda e reconnoschimentos siat a livellu natzionale chi internatzionale. Aberit sa presentada sa diretora de su Museu Gabriella Gasperetti, sighit Cristiano Becciu, funtzionàriu de su Servìtziu Limba sarda, moderat sa dibata Giuliana Portas, de s'Ufìtziu linguìsticu regionale, intervenint Fàbio Solinas, Presidente de s'Assòtziu ÀndalaNoa e Dàvide Casu, cantadore saligheresu. At a èssere presente s'autore de su libru chi at a lèghere unas cantas poesias suas. Custas initziativas promòvidas in Tàtari dae su Servìtziu Limba Sarda de sa Regione, cun sa collaboratzione de su Ministèriu pro sos benes e sas atividades culturales, servint pro dare valore a sa limba sarda e a sas variedades alloglotas de Sardigna. Sos apuntamentos ant a sighire s'8 de maju cun un'àtera presentada. Non manchedas!!!

lunedì 7 aprile 2014

Su sòtziu Àndala Noa, seletzionat 2 operadores de limba sarda in sa Curatoria de su Meilogu.

Àndala Noa
 
 
 
In sa Curatoria de su Meilogu seletzione pro duos operadores de isportellu de limba sarda
 
 
 
                            Annualidade 2010.
 
 
Sa dimanda andat presentada intro de su 14 de abrile.
 
 
 


SELETZIONE PRO OPERADORES DE LIMBA SARDA

S'Unione de sos Comunes de su Barigadu, at publicadu unu bandu pro  seletzionare 3 operadores de limba sarda, pro sa gestione de s'isportellu linguìsticu sovracomunale.
 
                                                    SU BANDU ISCADIT SU 9 DE ABRILE.