Interventos de ricualificatzione e formatzione a favore de chie est fora dae su mercadu de su traballu.
Su 28 de santuaine est essida una delìbera de sa Regione Sardigna (delìbera n. 43/25 2014, Flexicurity “politiche attive per i lavoratori in uscita dagli ammortizzatori sociali”) proposta dae s’assessore a su traballu Virginia Mura, chi ponet in campu prus de 26 milliones de èuros pro fàghere partire a manera isperimentale polìticas a favore de sos chi tenent un’edade intre sos 40 e sos 59 annos e non sunt traballende.
S’interventu est pro sos traballadores chi sunt in essida dae sos ammortizadores sotziales.
S’at
a dare lugore a mìgias de disocupados, s’interventu at a durare 6 meses e su
mèdiu de importu postu in pràtica dae sa RAS est su tirotzìniu: pro 6 meses s’ispesa
a càrrigu de sa RAS at a èssere de 3.900 èuros a pessone.
Sos chi ant a leare
parte ant a èssere sighidos dae sos tzentros servìtzios pro su traballu chi s’ant
a ocupare de dare inditos pro su reinserimentu a su traballu.
Nessun commento:
Posta un commento