At comintzadu oe, in
s'iscola de s'infàntzia de sas mòngias Mercedàrias de Bortigale, su laboratòriu
in limba sarda: connoschimus su sardu.
S'operadora de su
mandamentu VI (Bortigale, Silanos e Sindia) sighit cun sa presentada de su progetu chi pertocat s'alimentatzione, progetu giai
isperimentadu cun sutzessu in un'àtera iscola, e a custu annanghet argumentos e
obietivos noos. Su laboratòriu est cada lunis e at a durare fintzas a su mese
de nadale, su matessi progetu at èssere propostu fintzas in sas àteras iscolas
de su mandamentu VI. Su de seberare pitzinnos de custa fasca de edade naschet
dae su fatu chi sunt issos chi, unu cras, ant a mantènnere sa limba bia duncas devent comintzare a l’imparare.
A dolu mannu oe su prus
de sos pitzinnos minores, in biddas medas, non chistionant in sardu e tando
devent leare cunfiantza cun sa limba partende dae su sonu e posca a sighire cun su significu.
No est simple a torrare una
limba chi a bortas paret prus morta chi non bia ma sa punna de sos operadores
est cussa de li dare àlinu mannu e sa volontade in custos annos no est mai
mancada e s’isetu est chi non manchet mai.
Nessun commento:
Posta un commento