martedì 12 agosto 2014

23 de Austu, atòbiu de limba.

                                                           
Sa rapresentàntzia de su CSU, Coordinamentu pro su Sardu Ufitziale, pagu tempus a como at fatu rechesta a su Presidente de sa Regione Pigliaru e a s’assessora a sa cultura Firino de èssere retzida pro un'atòbiu.
A dolu mannu sa resposta est istada chi pro como no est possìbile. 
Mancari s'isorta de no èssere retzidu, su CSU sighit a andare cara a subra e dimandat a sas Isitutziones diàlogu  ideas e propostas de gabale pro lòmpere a s’atòngiu cun sas ideas craras in contu de limba sarda.
 Sa punna de su CSU est de:
  • Defensare e promòvere sa Limba Sarda Comuna
  • Istitutzionalizare e istabilizare sos ufìtzios de sa limba sarda
  • Finantziare su sardu in sas iscolas
  • Finantziare su sardu in sos mèdias
  • Creare un’agèntzia regionale pro sa promotzione de sa polìtica linguìstica
  • Normalizare su sardu in sa sotziedade e in sas famìlias

S'apuntamentu est pro pro sàpadu 23 de austu 2014 a sas 9.30 de mangianu in Neoneli, in su salone comunale Corrale.
S’iscola est aberta a totus . Pro partetzipare tocat a dare s’adesione a su CSU. 




Nessun commento:

Posta un commento