In su situ limbasarda 2.0
agatamus su porrogu a su cussigeri regionale Roberto Deriu, issu est unu chi at
semper dadu cara a sa limba e nos nos narat chi:
<<Pro como no amus prevididu peruna lege. In custu momentu sa dibata si
nch’est tramudada dae s’àmbitu tècnicu a cussu polìticu; e custu si a un’ala
est unu bene, ca cheret nàrrere chi dae como in susu non s’at a pòdere fàghere
a mancu de allegare de Limba Comuna, intre sas currentes culturales, sas
fortzas de su Consìgiu e intre sa gente, a s’àtera est fintzas unu male, ca
arriscat, a loru longu, de si mudare in una cuntierra intre tifosos de
campanile o a deretura intre etnias. Una Lege Manna subra sa Limba diat
pòdere nàschere petzi dae unu Cunfrontu Tècnicu Mannu, chi agatet solutziones
noas cunforma a cussas adotadas finas a como>>.
Custa est unu pagu sa cunfirma chi sa limba est polìtica, comente polìtica est sa vida nostra de cada die.
Una lege - emmo servit una
lege e custu sos chi traballant cun sa limba e pro sa limba l’ischint bene, in custos annos s'est istèrridu unu caminu ma non cun prùere chi su bentu nche podet bolare cando cheret ma cun pedras bene fichidas chi mancari su bentu sulet adurant in cue bene assentadas, su chi si desìgiat est chi non siat unu loru longu comente narat Deriu ma chi de custas pedras si nde sigant a annànghere àteras e chi su camminu sigat sena si firmare e nos nche leet a una cussèntzia pus manna e ispartzighinada pro totus sos sardos.
Nessun commento:
Posta un commento