Comuna de Silanos
Provìntzia de Nùgoro
Bandu de mobilidade esterna
pro
unu postu de istrutore contàbile cat.c.
a
tempus prenu e indeterminadu pro mesu de mobilidade dae àteras
amministratziones pùblicas.
S’Amministratzione
Comunale de Silanos in esecutzione de sa delìbera G.M. n. 64 de su 24/06/2014
retzit candidaduras, pro mesu de mobilidade dae àteras amministratziones
pùblicas, pro unu postu de istrutore contàbile cat.c.
Tratamentu econòmicu.
Su
tratamentu econòmicu est in base a su C.C.N.L. Su sugetu interessadu chi at a
leare su postu at a costoire s’antzianidade individuale e su matessi istipèndiu
ca su postu est dadu cun sa mobilidade.
Podent
leare parte sos chi sunt in servìtziu de ruolu e incuadrados in sa categoria
C. e tenent su profilu professionale de
istrutore contàbile.
Recuisitos.
- Tzitadinàntzia italiana.
- Àere lòmpidu 18 annos.
- Gosu de sos deretos polìticos.
- Ausèntzia de cundennas penales.
- Idoneidade psico-fìsica.
- Diploma de iscola superiore.
- Esperièntzias de traballu in categoria C. e presentatzione de su curriculum professionale chi las provet paris cun cussas de formatzione.
Presentatzione de sa candidadura.
Sa candidadura andat presentada a sa Comuna
de Silanos - Carrera Municipio n. 1 08017 Silanos intro de sas 13:00 de su 11 de trìulas 2014, a s’ufìtziu protocollo, o cun racumandada A/R
o pro mesu de posta eletrònica tzertificada a s’idiritzu affarigeneralisilanus@pec.it
Non
s’ant a leare a cussidèriu candidaduras presentadas foras dae su tèrmine
indicadu subra.
S’Amministratzione
non si leat peruna responsabilidade si si perdent comunicatziones in casu de
inditos isballiados in su recàpitu o pro faddinas de su servìtziu postale o de
àtera genia.
In sa candidadura si devent inditare,
pena s’annullamentu:
- Datos anagràficos cumpletos.
- Decraratzione de su possessu de sos recuisitos de subra, ischende chi pro chie decrarat su falsu bi sunt santziones penales.
- Inditu de s’indiritzu pretzisu a in ue mandare sas comunicatziones.
- Unu recàpitu telefònicu.
- Sa sutascritzione dae parte de su candidadu.
Si devent allegare:
Curriculum
detagliadu cun esperièntzias e tìtulos.
Nulla
osta de sa Comuna de apartenèntzia, pena s’annullamentu.
Totu
sos datos chi s’ant a retzire ant a èssere tratados petzi pro sas finalidades
de gestione de custa protzedura. Su cunferimentu de sos datos est obligatòriu e
fundamentale pro sa valutatzione de sas candidaduras.
Valutatzione de sas candidaduras:
In
base a s’anàlisi de sos curricula s’Amministratzione at a istabilire unu nùmeru
de candidados chi ant a èssere invitados pro unu collòchiu cun sa punna de
connòschere mègius sas caraterìsticas professionales de su candidadu.
Raportu de traballu.
A
da chi at a èssere individuada sa pessone, su candidadu seberadu at a dèvere
leare servìtziu intro de su tèrmine istabilidu dae s’Amministratzione Comunale.
Avertèntzia.
Sa
punna de custu avisu est de individuare candidaduras pro unu postu de istrutore
contàbile cat.c., no est a peruna manera promissa o impinnu de assuntzione.
Su
bandu est publicadu a s’albu pretòriu de sa Comuna in su situ
Pro
cale si siat informatzione si podet cuntatare su servìtziu de su personale
a
sos n. 0785 840001 – 840042
Nessun commento:
Posta un commento