Presentada de su libru de Tonino Putzolu

COMUNA DE BORTIGALE

Biblioteca Comunale

Ufìtziu limba sarda

Si informat sa gente chi:

chenàbura su 13 de làmpadas a sas 5 e mesu de sero,

in sa biblioteca comunale at èssere presentadu su libru de Tonino Putzolu:

I Falchi Lucenti dell’Ascianghi,

ghiat su Sìndigu Francesco Caggiari

leghet Francesco Moroni.

Bos ispetamus!!!!

Custu libru diat pòdere cumpàrrere comente un’òpera de fantasia. Si tratat imbetzes de unu contu in ue ant leadu parte atores de s’istajone africana mia, in carchi manera est una crònaca chi aderit a su tempus, a sos costùmenes e mescamente a s’ispìritu de una terra istimada comente chi esserat sa de duas terra nadia. A carchi amigu ca diventadu personàgiu l’est istadu mudadu su nùmene, est su casu de Johannes, padre Felice, guardianu de s’iscusorju de Axum o su dutore aviadore. Carchi àteru est istadu istudente meu chi at leadu parte a sa luta de liberatzione de s’Eritrea. Gràtzias a sas testimonias de custos, chi mancari sinnados dae sa gherra ant tentu sa fortuna de si sarvare sa vida, in su romanzu b’at lampizas de momentos de guerrìglia.

Tonino Putzolu est nàschidu in Gaddura, in Santa Trinidade d’Agultu, istat in Prato (Toscana).

Pitore, fotògrafu e istudiosu de istòria de s’arte, dae su 1961 a su 1975 istaiat in Etiopia, at insingiadu disegnu e istòria de s’arte in sos litzeos e in s’Univeridade de Asmara, at fintzas contivigiadu comente disegnadore, sa publicatzione de unos cantos libros pro sas iscolas de Addis Abeba.

Rientradu in Italia, s’est istabilidu in Firenze e at sighidu a insingiare. At collaboradu cun s’Istitutu Geogràficu de Agostini, Fratelli Fabbri Editori, Istitutu Fotogràficu Editoriale Scala (Firenze) e sa “Revista Geografca Universal” (Bloch Editores, Brasile). Sas fotografias suas ant ispiradu una mostra de chentu cuadros subra de su tema “La maternità in Africa” organizada in su 1985 dae su “Movimento per la vita” in su Chiostro delle Donne de s’Ispidale de sos Innotzentes de Firenze. Sa mustra posca est diventada itinerante e duncas presentada in paritzas tzitadinas europeas.  Putzolu at collaboradu comente crìticu de arte cun sa rivista fiorentina “Pegaso”.

Testu bortadu dae sa cuarta de copertina de su libru.

Nova in italianu. Situ Biblioteca Bortigale