Comuna de Sindia
Provìntzia de Nùgoro.
Servìtziu amministrativu
Si comùnicat chi in lìnea cun sas indicatziones
dadas dae s'Unione Europea, in contu de sa chistione de deretu a
s'istùdiu,
si sustenent sos istudentes universitàrios
chi cun mèritu acabant sa formatzione universitària.
Si diant chèrrere isvilupare
mescamente istùdios e connoschèntzias noas in diferentes àmbitos chi
interessant sa vida de sa comunidade sindiesa.
Sa bursa
de istùdiu "Tesi di Laurea" est
un'assegnu de istùdiu pro s'elaboradu finale ammaniadu pro sa discussione de sa
tesi de làurea.
Sa graduatòria est in base a sos
recuisitos de sa tabedda:
Votu
|
Assegnu
|
Integratzione
assegnu pro chie tratat i sa tesi argumentos de sa vida de sa comunidade
sindiesa
|
Totale assegnu
|
100 110 e lode
|
€ 500,00
|
€ 300,00
|
€ 800,00
|
90 99
|
€ 400,00
|
€ 200,00
|
€ 600,00
|
66 89
|
€ 300,00
|
€ 100,00
|
€ 400,00
|
Recuisitos:
- àere leadu su diploma de làurea in s'annu acadèmicu 2012/2013, segundu s'ordinamentu betzu (cursu de istùdiu de 5 annos) o làurea ispetzialìstica/magistrale (segundu D.M. 509/99 o 270/2004) in una universidade o acadèmia istatale, fintzas privada ma reconnota legalmente
- àere sa residèntzia in Sindia dae nessi 2 annos, o èssere fìgiu de residentes in Sindia dae nessi 2 annos
Modalidades de
presentatzione de sa dimanda e tèrmines:
- dimanda de partetzipatzione firmada e ammaniada cun su mòdulu preistamapadu, cun sas decraratziones sostitutivas de tzertificatzione
- còpia de su tzertificadu de làurea cun indicatzione de su votu
- còpia documentu de identidade vàlidu
- còpia de su curriculum studiorum in formadu europeu
- còpia de sa tesi de làurea siat in paperi chi in formadu multimediale (ebbia pro chie at fatu una tesi chi pertocat temas de sa comunidade sindiesa)
Sa dimanda si faghet impreende su mòdulu publicadu in su situ de
sa Comuna, iscadèntzia su 30 de làmpadas, si podet cunsinnare a manu in
s'ufìtziu protocollo o ispedire cun racumandada A/R o fintzas cun posta
eletrònica tzertificada a s'indiritzu: protocollo@pec.comune.sindia. nu.it in formadu PDF.
In sa busta cun sa documentatzione tocat de iscrìere:
"Domanda di assegnazione della Borsa di Studio Tesi di
Laurea".
In casu chi su dinare postu in bilantzu no est bastante, s'at a
minimare s'importu istabilidu a manera de lu partzire pro totus sas
rechestas.
Leende parte a su bandu, si autorizat sa Comuna de Sindia a
fàghere a manera chi còpia cartàcea de sa tesi siat a disponimentu de sa
Biblioteca comunale, cussa multimediale imbetzes at a èssere publicada in su
situ de sa Comuna.
Onni cuncurrente benefitziàriu de s'assegnu si devet impinnare a
leare parte a una die de istùdiu, organizada e cuncordada cun
s'amministratzione comunale, pro presentare a sa comunidade sa tesi de làurea.
Nessun commento:
Posta un commento